४ वर्षांपूर्वी University ची entrance exam देताना सुचलेली कविता... तेव्हाच, त्याच hall ticket वर लिहून काढलेली.... (परीक्षेचा निकाल काय लागला ते सुज्ञास सांगणे न लगे.... ;) )
चांदणरात.... तुझी चांदणसय,
जणू गारव्यात, मारव्याची साधलेली लय...!!!
चांदणरात.... रातराणीचा गंध,
तुझ्या आठवणींचा डवरला निशिगंध...!!!
चांदणरात.... स्वप्नाळली निद्रा,
हातांच्या आरशात, तुझीच मुद्रा...!!!
चांदणरात.... तुझी आठवण,
जणू माझिया ओंजळीत ता-यांची साठवण...!!!
चांदणरात.... विरला सारा शीण,
चांदण्याच्या स्पर्शाने उसवलेली वीण...!!!
चांदणरात.... पहाटेवर लवंडलेली,
शुक्राची चांदणी क्षितिजावर कलंडलेली...!!!
अशी चांदणरात.... अशी तुझी चांदणसय....
जीवाला वेड लागेल नाहीतर काय???
-स्वाती....
कोणत्याही टिप्पण्या नाहीत:
टिप्पणी पोस्ट करा